౩జులై౨౦౧౨, మంగళవారం: నేడే మహా నటుని జయంతి!

ఈ రోజే స్వర్గీయ సామర్ల వెంకట రంగారావు(మన ఎస్వి రంగా రావు) జయంతి!! ఆయన గురించి ఒక పత్రిక చదివాను:

సామర్ల వెంకట రంగారావు(౩ జులై ౧౯౧౮ - ౧౮ జులై ౧౯౭౪)

  

పై కథనాన్ని ప్రచురించిన అఖిలాంధ్ర వారికి నా హృదయ పూర్వక కృతజ్ఞతలు!


..మీ అనిల్

౩౦జూన్౨౦౧౨, శనివారం: అద్భుతమైన సాలీడు!

అద్భుతమైన స్పైడర్ మాన్! ఇప్పటి దాకా చూసిన స్పైడర్ మాన్ చిత్రాలకు భిన్నంగా వున్న ఈ చిత్రం ఇందులోని కథా నాయకుడిని ఒక కొత్త కోణం లో ఆవిష్కరించింది! వెండి తెర పైన అంత గొప్పగా, అబ్బురపరిచే రీతిలో చూపించినందుకు దర్శకుడు మార్క్ వెబ్బ్
 ని అభినందించాల్సిందే. నాతో పాటు చూస్తున్న వాళ్ళందరూ వీలలు వేసారు, చప్పట్లు కొట్టారు! చిత్రం మొదలైన మొదట్లో పెటర్ పార్కర్ కొన్ని సన్నివేశాలలో చేసిన వేషాలు చూసి వచ్చిన వినోదం అంతా ఇంతా కాదు! ఇర్ఫాన్ ఖాన్ ని ఇలాంటి ఒక పెద్ద చిత్రం లో
తెర పై చుసినప్పుడు వినిపించిన వీలలు అంతా ఇంతా కాదు! అవును మరి ఎంతైనా మనవాడు, మన దేశస్తుడు అంటే ఎవరికైనా గర్వంగా వుంటుందిగా! అదే మహేష్ బాబో, హ్రితిక్ రోషనో అయితే వీలలతో చిత్రమందిరం ఇంకా అదిరిపోతుంది! ఆ రోజు ఇంకేన్నాల్లో
లేదనిపిస్తుంది! ప్రపంచ స్థాయి లో మన చిత్రాలు మరింత పేరు సంపాదించటానికి ఇంకా చాలా చేయాల్సివుంది. కానీ ఎప్పుడో ఒకప్పుడు ప్రజల విసుగును గమనించి, వాళ్ళ రుచిని అర్థం చేసుకుని మనందరం గర్వించే చిత్రం వస్తుందని ఆశిస్తున్నాను.
మన దేశంలో మహానాయకుడు(సూపర్ హీరో) చిత్రాలకు వుండాల్సినంత ప్రాముఖ్యత లేదు. ఎక్కువ మంది ఇలాంటి చిత్రాలని చిన్న పిల్లల చిత్రాలుగా భావిస్తారు! దానికి కారణం వాటిని అందరికీ నచ్చేలా, పరిపక్వత తో నిండిన కథనంతో తెర మీద
చూపించలేకపొవటమే! యంత్రం(రోబో) కూడా అంతంత మాత్రమే అనిపించింది.
ఇక ఈ స్పైడర్ మాన్ చిత్రానికి వస్తే ఇందులో పాత స్పైడర్ మాన్ చిత్రాలతో పోల్చటం తప్పు. ఇది ఒక కొత్త అనుభూతిని ఇచ్చే చిత్రం కావటం వలన కొత్త నటులకి, వారి కథకి, కథనానికి అలవాటు పడటం కొంచెం కష్టం కావచ్చు.
అయితే ఇందులో టోబి మగ్వైర్ కి వున్న అమాయకత్వం లేనందున అందరి మనసులకు హత్తుకోకపోవచ్చు. అలాగే ఇందులో బుగల్ లేనందువలన ఆ కార్యాలయంలో పండించిన నవ్వులు లేవు. వచ్చే చిత్రంలో కొత్త పాత్రలతో మంచి హాస్యం పండుతుందని
అనుకుంటున్నాను. రెండవ భాగం ౨౦౧౪ మే లొ వస్తుందని సోనీ వాళ్ళు చెప్పినట్టు సమాచారం. ఇక పీటర్ పార్కర్ తల్లిదండ్రుల గురించి రహస్యం ఏమిటో తెలుసుకోవాలంటే అప్పటిదాకా వేచి వుండాలి!

..మీ అనిల్

౨౮జూన్౨౦౧౨, గురువారం

ఈ మధ్య పత్రికల్లో కథానాయకుల, కథానాయకిల గురించి వింత వింతగా వ్రాయటం మొదలు పెట్టారు. ఎలా వ్రాస్తున్నారు? ఇలా:

"...అసభ్యంగా నాగ్ హీరోయిన్..". ఇందులో కొంచెం అయినా అర్థం పర్థం ఉందా? ఇక్కడ మాట్లాడుతున్నది సుష్మిత సేన్ గురించి. కాని ఈ వార్తకి ఎటువంటి సంబంధం లేని  మన యువ సామ్రాట్ నాగార్జున పేరును ఎందుకు వాడుతున్నారు? ఇలాంటి వార్తలు చాలా వున్నాయి. "..రామ్ చరణ్ నటి ఆ చిత్రంలో..", లేదా "మహేష్ బాబు దర్శకుడు ఇందులో..", వగైరా, వగైరా..

ఎవరినైనా పేరు పెట్టి పిలిస్తే వీళ్ళ సొమ్మేం పోతుంది? అలా కాకుండా ఏదో ఒక చిత్రంలో ఆమె తనతో చేసింది కాబట్టి ఆ నాయకుడి పేరును పెట్టి ఇలా కథనాలు వ్రాయటం ఎంతవరకూ సమంజసం? ఇలా వ్రాయడం వలన ఆ పత్రిక వాళ్ళు తమని తాము అవమానిన్చుకున్నట్లే అవుతుంది.

..మీ అనిల్

౨౪జూన్౨౦౧౨, ఆదివారం

కొన్ని సార్లు రాజకీయాలు మన వ్యక్తిగత జీవితంలో కుడా ప్రభావం చూపుతాయి. అలాంటి రాజకీయాల గురించి మనకి ఎన్నో విషయాలు నేర్పుతుంది మన మహాభారతం. శుక్రవారం రాత్రి భక్తి వాహినిలో చూసిన ఆంధ్ర మహాభారతంలో ఎన్నో విషయాల గురించి విశ్లేషణ చూపించారు. ఎలా పాలించాలి, ఎలా ప్రవర్తించాలి లాంటి ఎన్నో విషయాల గురించి మహాభారతంలో చెప్పిన విధంగా మరెక్కడా చెప్పలేదు. ఈ నాటి రాజకీయాలు ఎందుకు విఫలమవుతున్నాయి, మంచి సమాజానికి ఎంతో ముఖ్యమైన రాజకీయం ఎలా వుండాల్సినవి ఎలా అయిపోయాయి అనే విషయం పై తెలుస్తుంది. రాజకీయ శాస్త్రం అనేది కుడా వుందనేది చాలా మందికి తెలియదు! ఎవరికైనా రాజకీయం అనగానే గుర్తు వచ్చేది ఏంటంటే అది ఒక మురుగు గుంట అనుకుంటారు కానీ అలా అవటానికి కారణం మన నిర్లక్ష్యమే అనేది గుర్తు చేసుకోవాలి. "అయ్యో పాపం కారాగారంకి వెళ్లాడు, తండ్రి పోయాడు ఎలా" అంటూ మన మతాన్ని వేయడం, చీరలకు, మందుకు, మిగతావాటికి ఆశపడి అమ్ముడుపోవడం, మన విలువైన మతాన్ని అసమర్థులకు వేయటం లాంటివి ఎవరు చేస్తున్నారు? సామాన్య జనమేగా? చివరకు అనుభవించేది కుడా వీళ్ళే.


..మీ అనిల్

౨౩జూన్౨౦౧౨, శనివారం

ఎన్నో రోజుల నుంచి వ్రాసే అంత మంచి శీర్షిక దొరకలేదు. ఈ రోజు "ఝుమ్మంది నాదం" చిత్రంలో చివరగా వచ్చే పాటలోని సాహిత్యం విని ఆశ్చర్యపోయాను. దేశం గురించి ఇంత మంచి సందేశం వున్న పాట ఈ రోజుల్లోని చిత్రాల్లో చూడలేదు! ఈ చిత్రం ఇంతకు ముందు చూసాను కానీ ఈ చివరి పాట సరిగ్గా చూడలేదు.
మహా కవి, సంఘ సంస్కర్త గురజాడ అప్పారావు వ్రాసిన "దేశమంటే మట్టికాదోయి" పాటను స్పూర్తిగా తీసుకుని వ్రాసిన ఈ పాటలోని కొన్ని మాటలు నాకు బాగా నచ్చాయి! "తీవ్రవ్యాదిగా మారుతున్న తీవ్రవాదం కాదు కాదోయ్", "గడ్డినుంచి గగనమంటిన కుంభకోణం కాదు కాదోయ్", "అబలపై ఆమ్లాన్ని చాల్లే అరాచకమే కాదు కాదోయ్", "చట్ట సభలో పట్టుకున్న జుట్టు జుట్టు కాదు కాదోయ్", "సంది దొరికితే మంది చేసే సమ్మె కాదోయ్","ప్రాణ ధన మానాలు తీసే పగల సెగల పొగలు కాదోయ్" లాంటి ఎన్నో అంశాలు ప్రస్తుత పరిస్థితులకు అద్దం పడుతున్నాయి.
ఇంత మంచి అర్థం, సందేశం వున్న పాట వ్రాసిన చంద్రబోస్ గారికి, ఆ పాటని బాలు గారితో అంత గొప్పగా పాడించిన కీరవాణి గారికి నా హృదయ పూర్వక కృతజ్ఞతలు.

..మీ అనిల్

౪జూన్౨౦౧౨, సోమవారం:

ఈ రోజు స్వర గంధర్వుడు పద్మశ్రీ డా. శ్రీపతి పండితారాధ్యుల బాలసుబ్రహ్మణ్యం గారి జన్మ దినం! ఎప్పటి లాగే ఈనాడు వాహినిలో వచ్చే "పాడుతా తీయగా" కార్యక్రమాన్ని తప్పకుండా చూడాలని వుంది. పైగా విజేతలు ఎవరో ఈ వారం లేదా వచ్చే వారం తెలియబోతుంది! అంతే కాకుండా బాలు గారు చెప్పే విషయాలు చాలా కొత్తగా, తెలుగుదనం ఉట్టిపడేలా స్పష్టంగా వుంటాయి. ఈ నాటి గాయని-గాయకులకు ఆయన నుంచి నేర్చుకోవాల్సిన ఇలాంటి విషయాలు ఇంకా ఎన్నో వున్నాయి!

వ్యక్తిగతంగా నాకు ఇష్టమైన గాయని హరిణి, మరియు గాయకుడు రోహిత్ . మరి వాళ్ళు గెలుస్తారో లేదో చూడాలి!

ఇక మిగతా విషయాల గురించి వ్రాయాలంటే సోనీ తయారు చేసే ఎన్నో ఫోన్ల గురించి ఒక విషయం చెప్పాలి.

వాటి నాణ్యత బాగానే వున్నా, వాటిల్లో సోనీ వాళ్ళ ఆస్తులు అయిన "వాక్మాన్", "సైబర్ షాట్", "ప్లే స్టేషన్", వగైరా అన్నీ ఒకే ఫోన్లో ఎందుకు వాడట్లేదో  వుంది. ఒక దాంట్లో  ఇంకొక దాంట్లో లేదు. ఎప్పుడైతే ఇవన్నీ ఉంటాయో అప్పుడు వాటి ప్రాముఖ్యత మరింత పెరుగుతుంది.

..మీ అనిల్

౨౮మే౨౦౧౨, సోమవారం

స్వర్గీయ నందమూరి తారకరామారావు గారి జన్మదినం నేడు! ఎందుకో ఒక పాట గుర్తుకు వస్తుంది! బహుశా శ్రీ కృష్ణుడు అంటే ముందు గుర్తుకు వచ్చేది రామారవేగా!:

***

ముద్దు గారే యశోద ముంగిట ముత్యము వీడు

దిద్దరాని మహిమల దేవకీ సుతుడు

అంతనింత గొల్లెతల అరచేతి మాణిక్యము

పంతమాడే కంసుని పాలి వజ్రము

కాంతుల మూడు లోకాల గరుడపచ్చా పూస

చెంతల మాలోనున్న చిన్ని కృష్ణుడు

రతికేళి రుఖ్మినికి రంగుమోవి పగడము

మితి గోవర్ధనపు గోమేధికము

సతమై శంఖచక్రాల సందుల వైదూర్యము

గతియై మమ్ము గాచే కమలాక్షుడు

కాళింగుని తలలాపై గప్పిన పుష్యరాగము

యేలేటి శ్రీ వేంకటాద్రి ఇంద్రనీలము

పాలజలనిధిలోన బాయని దివ్య రత్నము

బాలునీవలె దిరిగే పద్మనాభుడు

***

(ఈ వెబ్సైటుకి కృతజ్ఞతలు)


..మీ అనిల్

౨౦మే౨౦౧౨, ఆదివారం

అందరూ వినండహో! ఆదివారం మాంసం తింటే ఏడు జన్మల వరకూ వదిలిపెట్టని పాపాలు, రోగాలూ పట్టుకుంటాయంట! ఇక మాంసం దుకాణాల వాళ్ళు శనివారం/ఆదివారం రోజుల్లో అన్నీ మూసుకుని వెళ్ళాలి కాబోలు!
అలాగే ఆదివారం సూర్యుడు ఉదయించిన తర్వాత నిద్రపోతే మహా పాపం అంట! పైన చెప్పిన మాటలన్నీ జీ తెలుగు లో గోపురం కార్యక్రమంలో చెప్పారు! ఒక్క విషయం చెప్పాలి. దీనికి కారణాలు/మూలాలూ చెప్పకుండా
ఊరికే చెప్తూ పోతే ఎలా వుంటుంది? వీటికి తప్పకుండా ఒక మూల కారణం, శాస్త్రీయపరంగా కారణం వుండి వుంటుంది. మాంసం తినటం మంచిది కాదని తెలుసు కాని దానికి కారణాలు చెప్పకుండా సరిపెట్టటం మంచిది కాదు.
ఉదాహరణకి గుడికి వెళ్తే మంచిది అని, పాపాలు తొలగిపోతాయని ఎందుకు అంటారో ఎవరికైనా తెలుసా? కారణాలు చెప్పకుండా వుంటే అదేదో మతానికి సంబంధించిందని అనుకుంటారు.
కానీ గుడిని కట్టే స్థలం దెగ్గర అయస్కాంతపు శక్తి వుంటుందని ఎవరికైనా తెలుసా? దాని వలన మనసుకు శాంతి కలుగుతుందని చెప్తే ఎంత బాగుంటుంది? ఇలా నిజాలను కప్పేసి అది చేయండి, ఇది చేయండి, ఈ మంత్రాన్ని చదవండి,
ఆ మంత్రాన్ని చదవండి అంటూ వుంటే ఎలా వుంటుంది? ఈ యుగంలో మనిషి అర్థం చేసుకోలేని విషయాలు చాలా తక్కువ. అర్థం చేసుకోలేకపోవటానికి ఇదేమీ క్షిపణి/రోదసి శాస్త్రం కాదు!

పాడుతా తీయగా లో బాలు ఎపుడూ చెప్పే మాట : "సర్వే జనా సుజనోభవంతు, సర్వే సుజనా సుఖినోభవంతు!" నాకు బాగా నచ్చింది.

..మీ అనిల్

౧౬మే౨౦౧౨, బుధవారం

చాలా రోజుల నుంచి వ్రాయటానికి సమయం కుదరలేదు. ఎన్నో పనులు, ఏవేవో కొత్త విషయాలు, ఎన్నో అనుభూతులు.
కొంత మంది మూర్ఖత్వము వలన జీవితాలే మారిపోతున్నాయి. కాని ఇక్కడ గమనించాల్సిన విషయం ఏమిటంటే ఎవరు మంచి, ఎవరు చెడు అని కాదు. తప్పు చేసిన వాళ్ళు వారి తప్పుని ఎలా సరిదిద్దుకుంటున్నారు, వాటిని పునరావృతం కాకుండా ఎం చేస్తున్నారు అనేది ముఖ్యం. కొన్ని సార్లు మనకు తెలియకుండానే కొన్ని తప్పులు జరుగుతుంటాయి.అవి ఎవరివలన అయినా జరగొచ్చు. నెనెప్పుడూ ఒక విషయాన్ని గుర్తుపెట్టుకుంటాను. మాట మీద నిలబడటం కొంతవరకైనా తెలియాలి. లేకపోతే మన మీద వున్న నమ్మకం ఆవిరైపోతుంది. ఒకసారి నమ్మకం పోతే మళ్లీ సంపాదించటం చాలా కష్టం, పైగా సమయం పడుతుంది. ఆ సమయం కోసం వేచి చూస్తున్నాను. ఎప్పటికైనా మారతారనే నమ్మకం వుంది. 

..మీ అనిల్

౧మే౨౦౧౨, మంగళవారం: రగడ!

ఈ రోజెందుకో చేసే ప్రతి పనిలో ఒక ప్రత్యేకత  వుండాలనిపిస్తుంది! దానికి కారణమేంటో తెలియదు కాని ఒక రకమైన ఉత్తేజం, కొత్త శక్తి వున్నట్లు వుంది! ఈ రోజు కార్మికుల రోజు. బహుశా వారి బలమే అంతటా వ్యాపించిందేమో!

ఇదే ఉత్తేజం లో ౨౦౧౦లొ వచ్చిన  రగడ చిత్రం పాటలు విన్నాను. చాలా కొత్తగా వున్నాయి. 

..మీ అనిల్